كانت كل حاجة ماشية كويس لحد م ف يوم حسيت ان حياتي بدات تتقلب والموت بقي قريب مني جدا …
انا احمد رجب متجوز من 10 سينين وعندي سلمي وخالد موظف ف شركة لا داعي لذكر اسمها ف يوم تقفيل السنه وخلاص كلنا يهرنا لحد الصبح ف تقفيل دفاتر الشركة بييجي بعدها الاجازة الي كلنا بنستناها من السنه للسنة روحت البيت عشان انام واصحي اجهز للمصيف المعتاد بتاع كل سنه لكن الي حصل ف اليوم دا ان جالي رساله ع الواتساب من شركة عامله عروض ع الشاليهات وبصراحة الصور بالنسبه للسعر كانت كويسه جدا اتصلت بيهم وانفقت معاهم وخدت مراتي وعيالي وسافرنا الشاليه كان تحفه جدا وبالنسبه لسعره مكانش ينفع يتفوت شكرت الراجل ودخلنا ننام عشان نبدا نستمتع بالمصيف وقولنا ان دي هتبقي احلي اجازة لكن الي حصل ف اول ليله غير رائيي 360 درجة !
شالية_5
الجزء_الاول 
الجزء التاني…
(الليلة الاولي )
كانت كل حاجة ماشية كويس اتعشينا مع بعض وكله تمام
بعدها دخلنا ننام عادي …
-بابا ي بابا
= اي دا سلمي مالك يحبيببتي
-خالد ضربني ي بابا
= وخالد هيضربك ليه ي حبيببتي تلاقيه بيلعب معاكي
– لا هو بيلعب مع صاحبه دا ومش راضيين يلاعبوني معاهم ولما قولتلهم عايزة العب ضربني ووقعني من ع السرير
استغربت جدا من كلامها صاحبه مين الي هنا والساعه ٣ الفجر
= انتي متاكده ي سلمي
– والله ي بابا زي مبقولك حتي تعالي معايا شوف بنفسك
خدتها وروحت الاوضه بتاعتهم لقيت خالد ف سابع نومة !
= شوفتي بقي ي سلمي انها تهيؤات مش عايز اقول انك بتكدبي لاني عارف انك مبتعمليش كدا يلا بقي روحي نامي جمب اخوكي وف الصبح انا ليا تصرف تاني معاكي
-دا مش اخويا ي بابا
= سلمي ي حبيببتي مش عارف مالك ومال اخوكي حتي بو مدايقك شويه او ياستي ضربك يبقي مش اخوكي مينفعش تقولي كدا خالد بيحبك قووي وانتي عارفه كدا
– حاضر ي بابا
= يلا تصبحي ع خير ي حبيببتي
سيبتها ودخلت انام حسيت بصوت ف الطرقة كان صوت خالد بيضحك
استغربت انا لسه سايبه نايم ي اما بقي كان بيضحك عليا
طلعت لقيته باصص للحيطة وبيعد 4 3 2 1 انا جاااي
فضلت انده عليه ومكانش باصصلي ولا بيرد عليا كان بيضحك وعمال يجري ف البيت جري قدامي ودخل اوضه مكنتش فتحتها قبل كدا الاوضه كانت ضلمة جداا ندهت عليه
=ي خالد اطلع من عندك دا مش وقت لعب
فجاة لقيت صوت جاي من جوا ف الاول كان صوت خالد وبعدين اتغير
صوت تقيل وطالع بخشرجه صوت مرعب كان بيقول
– 4 3 2 1 انا جااااي
شالية_5
الجزء_التاني
الجزء التالت …
(اللية الاخيرة)
طلعت لقيته باصص للحيطة وبيعد 4 3 2 1 انا جاااي
فضلت انده عليه ومكانش باصصلي ولا بيرد عليا كان بيضحك وعمال يجري ف البيت جري قدامي ودخل اوضه مكنتش فتحتها قبل كدا الاوضه كانت ضلمة جداا ندهت عليه
=ي خالد اطلع من عندك دا مش وقت لعب
فجاة لقيت صوت جاي من جوا ف الاول كان صوت خالد وبعدين اتغير
صوت تقيل وطالع بخشرجه صوت مرعب كان بيقول
– 4 3 2 1 انا جااااي
-ماتيجي تلعب معايا ي بابا
= خالد اطلع من عندك ا انت كويس !
الصوت اختفي حاولت اقرب من الاوضه لسه هحط ايدي ع اكره الباب انقفل جامد خبط وقعدت انده ع خالد مبيردش روحت ع اوضتهم لقيتهم نايمين ساعتها عرفت انه مش خالد ابني الي كان بيحري قدامي
9:35
صحيت ع صوت المنبه لقيت نفسي نايم ف الصاله
= ها ! لا مافيش حاجة انا بس قلقت وطلعت كنت بتفرج ع التليفزيون ف راحت عليا نومه
– طب قوم يلا عشان حضرت الفطار
= حاضر هقوم اهو … هو خالد و سلمي فين ؟
– سلمي ف اوضتها وخالد طلع قدام الشالية بيلعب قوم بقي عشان نفطر
= حاضر نادي عليهم عشان يفطرو معانا وانا هغسل وشي واجي
قعدنا نفطر لكن خالد مكانش بياكل خالص قولتله
– مالك ي خالد مبتفطرش ليه
= انا هفطر مع صاحبي ي بابا
– صاحبك مين ي حبيبي وفين دا ؟
= يونس .. دا جدع قوي ي بابا قعد يلعب معايا امبارح لحد الصبح وعايزني اروح معاه نلعب عندهم
– عندهم فين ي حبيبي
= ف بيتهم هما ساكنين هنا برضه معانا
امه ضحكت وقالتلي ماتاخدش علي كلامه دا خياله واسع زيك وانت صغير مش كنت دايما تحكيلي عن مغامراتك الي محصلتش ي احمد بيه
= استني ي مني … خالد ي حبيبي انت كنت نايم امبارح محدش جالك ولا لعب معاك
– لا ي بابا جالي وقالي انك صحيت وهتجيي تضربني وخلاني انام بسرعه وبعد انت م نيمت جالي تاني
= يابني انا مشوفتش حد معاك
– مهو قالي محدش هيشوفني غيرك
كنت لسه هزعق معاه لكن لقيت صوت سلمي بتصرخ ف الاوضه
دخلت لقيتها واقعه وماسكة شعرها !
– مالك ي حبيببتي في اي
= صاحب خالد ي بابا شدني من شعري وضربني عشان جيت قولتلك امبارح انهم كانو بيلعبو مع بعض وقالي كمان انه هيموتني انا وخالد
– انا مش فاهمة حاجة ي احمد اي الي بيحصل دا
= متشغليش بالك دا اكيد العيال بيهزروا احنا من بكرا راجعين القاهرة
حاولت اطمنها ب اي شكل عشان اليوم دا يعدي ع خير وخلاص قررت انها اخر ليله ف الشاليه دا
طمنتهم وخدنا بعضنا وطلعنا قعدنا ع البحر عشان نحاول ننسي الي بيحصل ونستمتع ب المصيف خالد استاذن عشان يدخل يجيب العوامة بتاعته من الحاجة
وانا حاولت اتصل كذا مره ب الراجل الي اجرلنا الشاليه لكن تليفونه كان مقفول ولا بيرد ع الواتس حتي
ومرا واحده وانا قاعد بصيت ع الشاليه من جوا لقيت خالد ومعاه حد تاني واقفين بيبصوا علينا من الشباك بتاع الشاليه وقفت وبصيتلهم راح مسك خالد من ايده ودخل بيه جوا الشاليه انا خذت بعضي ودخلت بسرعه
وراهم فضلت ادور عليهم لكن مش لاقي حد اختفوا وكان الارض اتشقت وبلعتهم
روحت الاوضه الي دخل فيها خالد قبل كدا لكن مكانتش راضيه تتفتح اصلا جيبت فاس صغير كان موجود وقعدت اضرب فيها لحد م اتفتحت دخلت لقيت فيها دولاب وسرير غرقان دم لكن الدم كان ناشف كانه بقاله سينين
روحت وفتحت الدولاب ملقتش فيه حاجة لاحظت ان فيه حاجة واقعه ورا الدولاب وكان فيه صوت عياط جاي من وراه زقيته لقيت وراه كسر ف الحيطة دخلت وكنت بدور علي اي نور دي واضح انها اوضه تانيه مخفيه ف الشاليه دا ..؟
ايدي جت ع كبس النور ولما فتحته لقيت ابشع منظر ممكن اشوفه ف حياتي جثه طفل متعلقه وعينيه الاتنين مش موجودين ونازل من مكانهم دم دا غير الجروح الي كانت مغطيه جسمه واضح انه اتعذب لحد م مات لكن مين الي ممكن يعمل حاجة زي دي قاطعني صوت عياط جاي من ورايا بصيت لقيت كرسي قاعد عليه جثه راجل ف التلاتين من عمره شعره كبير لدرجة انه نازل ع عينه ايده الشمال مقطوعه وعينيه الاتنين مش موجودين بصيت جمبه لقيت خالد اول م شافني جري حضني وكان بيعيط بطريقه هيستيريه طلعنا ولمينا حاجتنا ومشينا من الشاليه دا ف اسرع وقت لكن من يومها وحياتنا مرجعتش زي مكانت سلمي بقيت بتحلم بحد عايز يقتلها ويعلقها وانا بقيت قلقان عليها جداا وبالنسبه لخالد ف حالته النفسيه كانت مدمرة مكانش بيتكلم كتير خدت معاه 5 شهور بحاول اعالجه عند احسن الدكاتره وحالته كانت بتتقدم بالبطئ
لحد م ف يوم كنت نايم صحيت ع صوت خالد ف الصاله
4 3 2 1 انا جاااي
قومت من مكاني وطلعت ادور ع خالد ف الصالة مش لاقيه بصيت من شباك الشقه ع الشارع لقت خالد واقف وماسك ف ايد الراجل الي كان ميت ع الكرسي !!!
ايوا هو وعينيه الي مش موجودة ابتسملي وخذ خالد ومشي انا ف الوقت دا اتشليت حرفياا مقدرتش الف ولا احرك اي حاجة ف جسمي لقيت صوت بيهمس ف ودني
كان صوت سلمي
مش عايز تلعب معايا ي بابا !
تمت
شالية_5
الجزء_التالت_والاخير
